PM Pohiva Tui’onetoa: Tonga ready in 3 weeks for repatriation flights

0
1002

Nuku’alofa, Tonga – Prime Minister Pohiva announced in Parliament yesterday that he believes repatriation flights of Tongans stuck overseas may began in three weeks.

Currently, government has announced several preparation drills will take place to evaluate readiness.

PM Pohiva is grateful Tonga is still COVID-19 free, and he attributes the National Day of fasting and prayers for God’s protection over Tonga.

In a phone conversation with New Zealand Prime Minister Jacinda Adern, PM Tuionetoa claims PM Adern was happy to assist Tongans in NZ with the cost of COVID-19 testing.

Here is the link for the registration form for those who want to return to Tonga.

Fill out the form to register, click here.

Statement from PM Pohiva Tui’onetoa 

‘OKU tui ‘a e ‘Eiki Palēmia ngalingali ‘e lava ‘i ha ‘osi ha uike ‘e 3 mei heni ke fakafoki mai ‘a e kau Tonga ‘oku nau lolotonga tukuvakā ‘i Nu’usila koe’uhi ko e mahaki faka’auha COVID-19.

Ko e me’a eni ‘a Hon. Pōhiva Tu’i’onetoa he ‘aho ni ‘i Fale Alea fakataha mo ‘ene fakahaa’i faka’ofisiale ‘oku kei hao pe ‘a Tonga mei he vailasi faka’auha ko eni COVID-19. Na’a ne to e fakamālō’ia ‘a e ‘Otua he tali lotu mo e ‘aukai na’e fakahoko ke ne kei malu’i pe ‘a Tonga mei he mahaki fakalilifu ni.

Taimi tatau na’a ne fakahā ‘a e ngāue mālohi ‘a hono Pule’angá ke kamata fakafoki mai hotau kakai he ‘oku fu’u fiema’u pē ke fakafoki mai kinautolu.

Ko e tokolahi e kau Tonga ‘oku kei tukuvakā ‘i muli ko e kau folau ‘eve’eva ki muli pehē ki he kau ngāue ‘a e Pule’anga ne nau ‘i tu’apule’anga he ngaahi fakataha fakavaha’apule’anga.

Lolotonga eni ‘e kamata ‘apongipongi ‘a e polokalama fakaangaanga ki he tokateu atu ‘a e ngaahi potungāue fekau’aki ‘a e Pule’anga ki ha taimi ‘e fakafoki mai ‘a e kau Tonga ‘i muli. ‘Oku kau ki ai ‘a e Potungāue MEIDECC, Potungāue Mo’uí, kau sōtia ‘a ‘Ene ‘Afió mo e kau polisí.

Ko e polokalama tesitesi ko eni ‘e kamata pe mei he mala’e vakapuna Fua’amotu ki he Hōtele Tanoa ‘a ia kuo mahino ‘e nofo mo tauhi ai ‘a e fuofua toko 50 pē ‘e fakafoki mai mei muli.

Pehē ‘e he ‘Eiki Palēmia ‘oku fai ‘a e ‘amanaki ‘e lele tu’o ua pe tu’o 3 eni ke fakataukei’i e ngaahi kupu fekau’aki pea toki kamata fakafoki mai hotau kāinga mei Nu’usila.

Ko Nu’usila foki he taimi ni ‘oku ‘ikai ha’anau keisi ‘a nautolu pe ha taha ‘e to e puke ai he mahaki COVID-19.

Lolotonga eni ‘oku poupou’i lahi ‘e he ‘Eiki Minisita mālōlō ka ko e Fakafofonga Kakai ‘o Vava’u 14, Dr. Saia Piukala ko e taimi totonu pe eni ke fakafoki mai hotau kakai kuo nau tukuvakā ‘i muli. ‘Aki pe ‘a e ‘uhinga ko e tali lotu eni ia ‘a e polokalama ‘aukai mo e lotu fakafonua na’e tataki ‘e he Pule’anga kuo ‘ikai ha to e keisi COVID-19 ‘i Nu’usila mo Fisi. ‘I he’ene pehē ‘oku tui lahi ‘a e ‘Eiki Minisita mālōlō ko e taimi totonu pe eni ke fakafoki mai hotau kakai mei muli.

Taimi tatau na’e fakahā ‘e he ‘Eiki Palēmia ‘a e fiefia ‘aupito ‘a e Palēmia ‘o Nu’usilá Jacinda Adern he’ena feme’a’aki telefoni ke faitokonia hono Pule’anga ‘a hotau kakai ke fua ‘a e fakamole ki he totongi sivi COVID ma’a e kau Tonga.

‘Oku fe’unga ‘a e fakamole ki he sivi faito’o ni mo e tola Nu’usila ‘e 360 ke fakahoko eni he ‘aho ‘e 3 kimu’a pea foki mai hotau kakai.

Kuo ‘osi ‘i ai ‘a e foomu he ‘initaneti ke fakafonu ‘e he kau Tonga ‘oku nau tukuvakā ‘i muli. Ko e foomu ko eni ‘oku ma’u ia mei he tu’asila ko eni he ‘initaneti.

Foomu lesisita ki he folau ki Tonga, click here

‘I he fakataha e Palēmia mo e kau faiongoongo he faka’osinga e uike na’e fakahā ‘e he ‘Eiki Minisita MEIDECC Hon. Poasi Tei na’e ofi he toko 500 ‘a hotau kakai kuo ‘osi lesisita hake he ‘initaneti ke fakafoki mai kinautolu ki Tonga ni.

LEAVE A REPLY

Please enter your comment!
Please enter your name here