Tukuaki’i ‘a ‘Etuate Lavulavu ki he fakamo’oni loi ‘i he api lisi ‘i Vava’u

'Etuate Lavulavu alleged to have forged documents on property leased in Vava'u

0
3473
'Etuate Lavulavu, Deputy Chairman of PAK Political Party

By ‘Ana Tausinga

 

Nuku’alofa, Tonga – ‘Oku tuku mai e fkmatala falala’anga pea ‘oku mau ma’u ‘a e ngaahi pepa fkamo’oni kuo tukuaki’i ‘a ‘Etuate Lavulavu, Tokoni Sea ‘a e Paati e Kakai (PAK), ki he fakamo’oni loi (forgery) ki he lisi ‘o e fu’u maka ‘i Vava’u ‘a Sione Tui.

Ko e fu’u maka ‘a e motu’a Ta’anea, Vava’u ‘oku ne lisi kae taumu’a pisinisi. ‘Oku asi ‘I he ngaahi fakamo’oni (documents) ‘a e tohi ‘a Lavulavu ki he CEO Savea he 2017 ‘o fakaha kiai kuo loto e motu’a ko Sione Tui ke liliu e alea (purpose of the lease) mei he fklele pisinisi ki he quarrying (ta’aki maka). Ka ‘oku faka’ikai’i e Sione Tui na’ane fai ha tohi pehe, pea na’e te’eki ai sio ia kiha tohi pehe, pe na’e ikai fakamo’oni ia ki he tohi ni.

‘I he ‘aho 27 Sanuali 2020, na’e tohi ‘a Sione Tui ki he CEO Potungaue Savea, Rosamond Bing, ke kaniseli e lisi fika 8660 ‘a ‘Etuate Lavulavu he na’e fakahoko ‘i he founga fakamo’oni loi.

Ko e ngaahi kaveinga eni ‘a e tohi:

  • Ko e tohi kole lisi ‘o e ‘aho 29.1.2017, ‘oku lave kiai ‘a e palakalafi 6 ‘o ‘eku fuakava ‘o e ‘aho 23 Sanuali 2020.
  • Ko ‘eku tohi ‘o e ‘aho 5 Sepitema 2017, ‘oku ikai ko e fakamo’oni ia ‘a’aku, pea na’e te’eki ai teu sio au ha pepa pehe ni kimu’a.
  • Na’e te’eki ai ke ma talanoa kimu’a kiha lisi, pea mo ha totongi fakata’u ($1,500 p.a.) ko e fa’u kotoa pe ia ‘e ‘Etuate Lavulavu.
  • Ko e palakalafi 26 ‘o ‘eku fuakava ‘oku lave ai ki he ta’e totongi ‘o e lisi he ta’u ‘e 3, neongo ko e lisi ‘ihe founga kaakaa.
  • ‘Oku ou kole atu keke anga’ofa kae kaniseli ange ‘a e lisi ni.
  • ‘Oku fou feinga ke fai ‘eku launga ki he kau polisi fekau’aki mo e me’a ni.
  • ‘Oku ou ‘oatu fakataha mo e tohi ni, ‘a eku fakamo’oni he kole lisi (na’e fai ‘I Keitahi) mo e tohi ‘o e ‘aho 5.9.2017, mo ‘eku fuakava ‘o e ‘aho 23/1/2020.

Na’e toe faitohi ‘a Sione Tui ‘I he ‘aho 5 Novema, 2020, ki he Minisita Fonua & Savea, Lord Ma’afu, ‘o kole ke kaniseli ‘a e lisi (fika 8660) makatu’unga ‘I he ngaahi ‘uhinga tatau pe kuo ‘osi fakaha ‘atu ki mu’a. ‘Aia ko e liliu ‘e ‘Etuate Lavulavu ‘a e ‘uhinga ‘o e lisi mei he pisinisi ki he quarrying.

Pea toe pehe pe ‘e Sione Tui ko e tohi ‘a Lavulavu na’e fakahoko ‘aki ‘ene feinga liliu lisi ki he Potungaue Savea, ko e tohi fakamo’oni loi.

Ko e fakamo’oni loi e hingoa ‘o Sione Tui

‘Oku ilonga pe ‘a e kehekehe ‘a e tohi fakamo’oni ‘a e hingoa ‘o Sione Tui ‘I he ngaahi pepa fakamo’oni. ‘I he taimi tatau kuo fakahu fakalao ‘a e tohi fktokanga (Caveat) ‘a Sione Tui ki he Potungaue Fonua & Savea. Pea kole ‘a Sione Tui ke kaniseli ‘a e lisi mo ta’ofi e ngaue ‘oku fakahoko ai he kuo kamata ‘a ‘ene ngaue fakalao ke fakatonutonu eni.

Ko ‘Etuate Lavulavu mo hono hoa, ‘Akosita Lavulavu, Minisita ‘o e MOI,  ‘oku na teu tali hopo ki he tukuaki’i ngaue faihala ‘aki ‘a e pa’anga ‘e 5 kilu na’e ma’u ‘aki e founga fakamo’oni loi kihe’ena ‘api ako ko e ‘Unuaki Royal Institute.

LEAVE A REPLY

Please enter your comment!
Please enter your name here